Кыска мөөнөттүү ашыкча жүктөмдү азайтуу иш-чараларынын графиктери электр тармактарынын ишканаларынын расмий сайттарында, фейсбук, инстаграм социалдык баракчаларында жана ЖМКларда жарыяланат.
Бул тууралуу Энергетика министрлигинин маалымат кызматы кабарлады.
Жарыкты өчүрүүнүн графигин төмөндөгү расмий сайттардан көрүүгө болот:
- Бишкек электр тармактар ишканасы – http://bipes.nesk.kg
- Жалал-Абад электр тармактар ишканасы – http://jpes.nesk.kg
- Ысык-Көл электр тармактар ишканасы – http://ipes.nesk.kg
- Нарын электр тармактар ишканасы – http://npes.nesk.kg
- Ош электр тармактар ишканасы – http://oshpes.nesk.kg
- Талас электр тармактар ишканасы – http://tpes.nesk.kg
- Чүй электр тармактар ишканасы – http://chupes.nesk.kg
Министрлик керектөөчүлөрдү кырдаалга түшүнүү менен кароого жана электр энергиясына аяр мамиле кылууга, максималдуу жүктөмдөр убагында, бир эле учурда бир нече энергияны көп талап кылуучу электр шаймандарын колдонбоого чакырат.
Электр энергиясына байланыштуу маселе жаралган учурда «Кыргызстан улуттук электр тармагы» ААКтын күнү-түнү иштеген колл-борборуна кайрылып, тактоого болот: 105, 1209, +996 772 001209; +996 702 001209; +996 556 001209 (WhatsApp).
5-марттан тарта Кыргызстанда электр энергиясын берүү чектеле баштаганын Энергетика министри Таалайбек Ибраев 6-мартта Жогорку Кеңеште билдирген. Мындай чектөөлөр Токтогул ГЭСинин №1 агрегатын жана Үч-Коргон ГЭСин реконструкциялоого байланыштуу.
Депутат Дастан Бекешев элди кабардар кылуу үчүн жарыкты өчүрүүнүн графигин соцтармакка да жарыялоону суранган.
Таалайбек Ибраев жарыкты атайын өчүрүү күн жылыганда токтой турганын билдирген.



















