Өзбекстанда президенттин буйругу менен 2030-жылга карата чоң шаарларда жок дегенде «Евро-5» стандартына жооп бербеген автомашиналарды айдоого акырындап тыюу салуу эрежеси киргизилет.
Чектөө акырындык менен 2024-жылдын 1-мартынан баштап Ташкент жана Нукус шаарларында, ошондой эле облусттук борборлордо ишке ашырылат.
Чектөөгө Евро-5 экологиялык стандартына жооп бербеген эскирген автомашиналар туш болот. Бул жакка бир эле СССР учурунда чыгарылган автомашиналарды гана эмес, эгемендүүлүк жылдары чыгарылган «Тико», «Матиз», «Дамас», «Нексия-1», «Нексия-2» атамекендик автомобилдер да кошулат.
Мындан тышкары 2024-жылдын 1-мартынан тартып Ташкентте тыгын маалында 10 тонна салмактан жогору N2, N3, О4 категорияларындагы жүк ташуучу транспорт каражаттарынын да кыймылына тыюу салынат. Бир гана атайын кызматтардын, анын ичинде коммуналдык жана Өзбекстан Республикасынын Куралдуу күчтөрүнүн жүк ташуучу автомашиналардын жүрүүсүнө уруксат берилет.


















