Өзбекстанда президенттин жарлыгы менен быйыл 1-июлдан тарта дары-дармектердин коопсуздугуна такай көзөмөл жүргүзүүнү жана алардын терс таасирлери тууралуу компетенттүү органдарга ырааттуу маалымат берүүнү караган GVP стандарты киргизилет.
Өзбекстандагы дарыканалардын көбүн чакан соода түйүндөрү катары кароого болот.
Кээ бир ишкерлер дарыканаларды көп кабаттуу үйлөрдүн биринчи кабаттарында, аялдамаларда жана фармацевтикалык продукцияларды саткан базарларда ачышкан.
Эгерде өлкөдө GVP ченемдери күчүнө кирсе, бул дарыканалар жабылып же жаңы стандартка ыңгайлашуусу керек болот.
2026-жылдан тарта GVP сертификаты жок дары-дармектерди сактоо жана сатуу мыйзамсыз деп эсептелет.
GVP – бул бардык өнүккөн өлкөлөрдүн дарыканаларына тиешелүү эл аралык стандарт.
2025-жылдын 1-январына карата Өзбекстанда дары-дармектерди чекене сатуу менен алектенген бардык дарыкана түйүндөрү, 2026-жылдын 1-январына чейин бардык башка дарыканалар GPP стандартына (Good Pharmacy Practice) өткөрүлөт.
Дарыкана ээлерине азыртан эле GPP стандартына ылайык иштөөгө өтүү тууралуу эскертилип жатат. Бул фармацевтикалык продукцияны белгилүү бир температурада кармап туруу үчүн кымбат жабдууларды , кызматкерлерди окутууну жана башка стандарттарды талап кылат.
Бул системага өтүүнүн максаты фармацевтикалык кызматтардын сапатын жогорулатуу жана дары-дармектердин коопсуздугун камсыздоо экени айтылды.
Өзбекстанда 15 253 дарыкана бар. Бул орто эсеп менен 2 400 адамга бир дарыкана туура келет дегенди билдирет.
Статистикага ылайык, акыркы отуз жылдын ичинде Өзбекстанда дарыканалардын саны жети эсеге өскөн. 1995-жылы Өзбекстан боюнча 2200 гана дарыкана болгон.
Өзбекстан дары сатыгы боюнча КМШ өлкөлөрүнүн ичинен биринчи орунда турат.
Өткөн айда өзбек бийлиги Индияда жасалган жөтөл сиробун ичип каза болгон балдардын саны расмий түрдө 69га жеткенин ырастаган.
5-январда Ташкентте өткөн сот учурунда “Док-1 Макс” сиробун ичкен 18 бала майып болуп калганы белгилүү болгон.
Жаш балдардын “Док-1 Макс” дарысына ууланып чарчап калышы Өзбекстандагы фармацевтикалык жана саламаттык сактоо тармагындагы көйгөйлөрдү ачык көрсөттү.


















