Иран Ислам Республикасы Латын Америка өлкөлөрүнө алдыңкы технологияларды экспорттоону кеңейтип, Венесуэлада оптикалык була өндүрүүчү завод курду.
Ирандын байланыш жана маалыматтык технологиялар министри Сейед Саттар Хашеми билдиргендей, технологиялык дипломатияны жана Ирандын техникалык мүмкүнчүлүктөрүн башка өлкөлөргө экспорттоону кеңейтүүнүн алкагында алдыңкы технологияларга адистешкен ирандык компаниялар Венесуэлада оптикалык була өндүрүүчү заводду ишке киргизишти.
Венесуэладагы ирандык оптикалык була заводуна 10 миллион доллар инвестиция салынган. Ал Венесуэланын ички муктаждыктарын канааттандыруу менен катар, мурда жылына 2 миллион долларлык оптикалык буланы Ирандан импорттоп келген, мындан тышкары Латын Америка өлкөлөрүнө телекоммуникациялык жабдууларды экспорттоочу региондук борборго айланышы күтүлүүдө.
Илим, технология жана билимге негизделген экономика боюнча вице-президенттин алдындагы Эл аралык кызматташуу борборунун жетекчиси Амирхоссейн Мирабадинин айтымында, бул заводдун ачылышы менен билимге негизделген экономика чөйрөсүндө иштеген ирандык компаниялар АКШнын «арткы короосу» деп аталган аймакта өз ордун бекемдеди.
Буга чейин Иран жана Оман жаңы маалымат жана интернет-трафик өткөрүү коридорун түзүү боюнча келишимге кол коюшкан. Бул маршрут түндүктөгү Россия жана Борбор Азия өлкөлөрүнөн башталып, Иран аркылуу өтүп, түштүктө Перс булуңуна, Индияга жана атүгүл Чыгыш Африкага чейин созулат.
Келишимдин максаты — Иран өзүнүн ички инфраструктурасын пайдаланып, аймактагы негизги маалымат транзити жолдорунун бирине айланышы. Бул коридордун баштапкы өткөрүү жөндөмдүүлүгү секундасына 4,5 терабитти түзөт.

















