Украинанын президенти Владимир Зеленскийди Лондондогу саммиттен кийин Улуу Британиянын падышасы Чарльз III кабыл алды.
Жолугушуу Европа өлкөлөрүнүн Лондондогу саммитинен кийин болду деп жазат “РИА новости” агенттиги.
Зеленский ага чейин Европа саммитине катышып, Украинанын коопсуздук кепилдиктери жана тынчтык шарттары боюнча бир катар маселелерди көтөргөн.
“Лондондогу саммиттен кийин Зеленский тик учак менен Норфолкко учуп кеткен, падыша аны менен жекеме-жеке жолугуп, бир аз сүйлөшүп, бир нече сүрөткө түшкөн”, – деп айтылат материалда.
Улуу Британияынын падышасы Чарльз III менен Украинанын лидери Зеленскийдин жолугушуусунда Украинанын азыркы кырдаалы талкууланды.
Буга чейин Британиянын премьер-министри Кир Стармер Киевге 3,2 миллиард долларлык жаңы жардам пакетин бөлөрүн мурда жарыялаган.
Эскерте кетсек, ушул жуманын башында Владимир Зеленскийдин АКШга жасаган иш сапары ийгиликсиз болгон.
Анда Украина менен Американын президенттери Ак үйдүн Овал кабинетинде жолугушкан учурда алардын ортосунда пикир келишпестиктер жаралып, жолугушуу эмоцианалдуу түрдө өткөн. Буга Украинадагы согушту токтотуу, анын келечеги жана АКШнын колдоосунун мындан кийинки бөлүгү тууралуу сөз болгондон кийин келип чыккан.
Бул жолугушууга АКШнын вице-президенти Ж.Д.Вэнс да катышкан.
Андан бир күн мурун, 27-февралда Британиянын премьер-министри Кир Стармер Трамп менен сүйлөшүү үчүн Вашингтонго келген.


















