Бакуда Тажикстан менен Азербайжандын 2024-жылга эки тараптуу кызматташуу планына ылайык, эки өлкөнүн Аскер-аба күчтөрүнүн өкүлдөрүнүн жолугушуусу болуп өттү.
Бул тууралуу Азербайжандын коргоо министрлигинин маалымат кызматы билдирди.
Жолугушууда конокторго Аскер-аба күчтөрүнүн тарыхы жана ишмердүүлүгү тууралуу кеңири баяндама айтылып, 44 күндүк Ата Мекендик согуштагы Аскер-аба күчтөрүнүн ролу тууралуу маалымат берилди жана учкучсуз учуучу аппараттарды колдонуу боюнча пикир алмашуулар болду.
Ошондой эле эки тарапты кызыктырган башка маселелер боюнча да сүйлөшүүлөр жүргүзүлдү.
Планга ылайык, тажик делегациясы Аскердик аба күчтөрүнүн аскердик бөлүктөрүндө жана аскердик окуу жайларында болушту.
Тажикстандык конокторго Азербайжан армиясынын арсеналындагы учкучсуз учуучу аппараттардын айрымдары так көрсөтүлүп, жабдыктардын тактикалык жана техникалык мүнөздөмөлөрү жөнүндө кеңири айтып беришти.





















