Талас шаарына мектеп окуучуларынын билим деңгээлин жогорулатуу максатында Россиядан 8 мугалим келип, ишке киришти.
Бул тууралуу шаар мэриясы билдирди.
Тема боюнча:
Маалыматка караганда, россиялык мугалимдер Россия Федерациясынын Билим берүү министрлигинин эл аралык гуманитардык долбоорунун алкагында Талас шаарынын мэриясы менен Москва шаарынын билим берүү мекемесинин ортосундагы түзүлгөн келишимге ылайык 2023-2024-окуу жылына карата 1 жылдык мөөнөткө келишти.
«Атап айтканда №2 орто мектебине орус тили жана адабияты мугалими, №3 орто мектебине математика, география жана башталгыч класстын мугалими, №7 орто мектебине математика, география жана башталгыч класстын мугалими жана “Билимкана-Талас” билим берүү мекемесине математика мугалими келди», — деп айтылам маалыматта.
Россиялык мугалимдер сабактан тышкары ар кандай жолугушууларды, семинарларды өткөрүп, мугалимдерге усулдук тажрыйбасы менен бөлүшөт.
