Түштүк Кореянын президенти Юн Сок Ёл “Түндүк Кореяны колдогон күчтөрдү жок кылуу жана эркин конституциялык түзүлүштү коргоо” максатында өлкөдө аскердик абал киргизилгенин жарыялады.
“Эркин Корея Республикасын Түндүк Кореянын коммунисттик күчтөрүнүн коркунучунан коргоо, биздин элдин эркиндигине жана бактына, конституциялык түзүлүшүнө кол салып жаткан Түндүк Кореянын мамлекетке каршы, принципсиз күчтөрүн дароо жок кылуу үчүн аскердик абалды жарыялайм”,- деди Юн Сок элге кайрылуусунда.
Түштүк Кореяда президентке каршы чыккан жана парламентте көпчүлүктү түзгөн Демократиялык партия өз депутаттарынын чукул жыйынын уюштурду.
Ошол эле учурда өлкөнүн Коргоо министрлиги аскерлердин бардык түрлөрүнүн командирлерине күжүрмөн даярдыкты жогорулатууга буйрук берди.
Сүрөт: AP
