Кытайлык окумуштуулар жетиштүү көлөмдө суу ичүү инсульт болуу коркунучун 25 пайызга чейин азайтарын аныкташты. Изилдөөнүн жыйынтыгы Journal of Stroke and Cerebrovascular Diseases журналына жарыяланды.
Анализ АКШнын 1999–2020-жылдардагы Саламаттык жана тамактануу боюнча Улуттук изилдөөсүнүн (NHANES) маалыматтарына таянат. Изилдөөгө 20 жаштан жогору 49 миңден ашык адам катышкан, алардын болжол менен 48%ы — эркектер.
Изилдөөчүлөр курак, жыныс жана рациондун калориялуулугунун таасирин эске албай, негизги көңүлдү керектелген суюктуктун көлөмүнө бурушкан. Натыйжада, эң көп суу ичкен катышуучулардын инсультка чалдыгуу коркунучу суу ичүүнү унуткандарга салыштырмалуу 25% төмөн экени аныкталган.
Айрыкча, күнүнө 1,4 литрден аз суюктук ичкен адамдарда мээ кан айлануусунун бузулуусу кыйла жогору болгон.
Изилдөөчүлөр баса белгилешет: жетиштүү суу ичүү — бул жөнөкөй, бирок натыйжалуу ыкма, айрыкча орто жана улгайган куракта жүрөк-кан тамыр ооруларынын алдын алуу үчүн маанилүү.



















