Швейцариянын Блаттен кыштагында Birch мөңгүсү урап түшкөндөн кийин аймактын көп бөлүгүн муз, ылай жана таш басып калды. Турак жайлардын жана инфраструктураны кошкондо имараттардын 90%га жакыны талкаланган же көмүлгөн.
Бул тууралуу The Guardian басылмасы жазып чыкты.
Жер көчкү да Лонза дарыясын тосуп, суу ташкындоо коркунучун жараткан. Айылдын мэри Маттиас Белльвальд айыл дээрлик талкаланганын, бирок бийлик аны кайра курууну пландап жатканын айтты.
Жергиликтүү өкмөттүн басма сөз катчысы Маттиас Эбенер бир адам дайынсыз экенин билдирди.
Birch мөңгүсүнүн бир бөлүгүнүн урашынын натыйжасында Лёченталь өрөөнүндө жайгашкан Блаттен айылын тоолордон көчүп түшкөн муздун, таштардын жана баткактардын эбегейсиз чоң массасы түшүп, конуштун 90%га жакын аймагын басты.
Аймактык коопсуздук кызматынын башчысы Стефан Ганцердин айтымында, кырсыктын кесепеттеринин аркасында конуш толук талкаланган.
Кырсык катталаардан мурда 19-майда геологдор жер көчкү коркунучу жогору экенин аныкташкандан кийин айыл эвакуацияланган. Эксперттер конуштун үстүндө жайгашкан мөңгүнүн туруксуздугун каттап, трагедиянын алдын алышкан. Өз убагында көрүлгөн чаралардын аркасында массалык курмандыктарды болтурбоо мүмкүн болду, бирок бир адам дайынсыз болууда.
Швейцариялык SRF телеканалы жарыялаган дрондук кадрлар Блаттендеги үйлөрдү жана көчөлөрдү, ошондой эле Лонза дарыясын толугу менен каптаган ылай жана таштардын күчтүү агындысын көрсөтүп турат. Суу агымы тосулуп калышы мүмкүн болгондуктан, суу каптоо коркунучу бар.
“Биз айылыбызды жоготтук. Ал урандылардын астында калды. Бирок биз аны сөзсүз түрдө калыбына келтиребиз”,- деди айылдын мэри Маттиас Беллвальд пресс-конференцияда.
Швейцариянын президенти Карин Келлер-Зуттер аймактын тургундарына көңүл айтып, алардын турак жайларынын жоголушу чоң трагедия экенин баса белгиледи.
Аймак учурда кооптуу бойдон калууда жана кирүү жабык.
Куткаруу кызматтары тарабынан жер көчкү коркунучун көзөмөлдөө жана баалоо иштерин улантууда.
Жергиликтүү тургундардын тарткан видеолорунда көрүнүп тургандай, үй жаныбарларын да кырсык болгон аймакта калтырып кетпеш үчүн тоодон тик учак менен коопсуз жайларга чыгарып кетишүүдө.


















