Өзбекстандын президенти Шавкат Мирзиёев иш сапары менен Вашингтондун борборуна барды. Ал АКШда Борбор Азия мамлекеттеринин жана АКШнын лидерлеринин “C5+1” форматындагы саммитине катышат.
Мамлекет башчысын аэропортто АКШда иштеп жана окуп жүргөн мекендештер тосуп алышты. Президент алар менен жылуу маектешип, окууларында жана эмгек жолунда ийгиликтерди каалады.
Эске сала кетсек, буга чейин Шавкат Мирзиёев Катардагы сапарын жыйынтыктап, саммитке катышуу үчүн АКШга учкан эле.
Сапардын алкагында АКШ президенти Дональд Трамп, Конгресс өкүлдөрү, министрликтердин жетекчилери, ошондой эле алдыңкы америкалык компаниялар жана каржы институттары менен жолугушуулар өтүшү күтүлүүдө.
Тараптар соода-экономикалык, инвестициялык жана гуманитардык тармактардагы кызматташтыкты кеңейтүү маселелерин талкуулашат. Саммиттин жыйынтыгында бир катар эки тараптуу жана көп тараптуу документтерге кол коюлат деп күтүлүүдө.



















