Ирандын президенти Масуд Пезешкян өлкөсү Россияга жана йемендик хуситтерге ракеталарды берди деген маалыматтарды четке какты.
Бул тууралуу республиканын президенти ирандык жана чет элдик журналисттердин катышуусунда президенттик кызматка киришкенден кийин өткөргөн биринчи маалымат жыйынында билдирди.
Ал Иран Россия менен кызматташуусун жана соодасын улантып жатканын, бирок ага эч кандай ракета жеткирбегенин билдирди.
Анын айтымында, бийликке жаңы өкмөт келгенден бери Россияга эч кандай курал-жарак берилген жок.
Пезешкиан Иран ар дайым украин чатагын тынчтык жолу менен чечүүнү жактап келгенин кошумчалады.
“Эмне үчүн Россия согуш баштады? Аны европалыктардан сурагыла! Эмне үчүн НАТО чек араларын кеңейтүүнү каалайт? Алар келишимди өздөрү бузушкан”, – деди Иран президенти.
Буга чейин CNN телеканалы өз булактарына таянып, Иран Украинадагы согуштук операцияларда колдонуу үчүн жакын аралыкка учуучу баллистикалык ракеталарды Россияга өткөрүп бергенин маалымдаган.
Ирандын БУУдагы миссиясы батыш маалымат каражаттарынын Россияга баллистикалык ракеталарды өткөрүп берди деген малыматтарды четке кагып, Украинадагы жаңжал боюнча Тегерандын позициясы өзгөрүүсүз бойдон каларын билдирген.
Мындан тышкары, ал анын өлкөсү йемендик хуситтерге Израилге кол салууда колдонулган ракетаны бербегенин айтты.
Пезешкиан Ирандын арсеналында гиперүндүү ракеталар бар экенин, бирок аларды йемендик “Ансар Аллах” (хуситтер) кыймылына өткөрүп берген эместигин белгилдеди.
Анын айтымында, Иранда гиперүндүү ракеталар бар, бирок алар хуситтер колдонгон типтеги ракеталар эмес.
“Иран ракеталарды берген эмес”, – деди президент.
15-сентябрда Йемендеги «Ансар Аллах» кыймылы Тель-Авивге ракеталык чабуул үчүн жоопкерчиликти өзүнө алышкан. Кыймылдын аскерий өкүлү Яхья Сария Израилдин шаарына сокку гиперүндүү баллистикалык ракетанын жардамы менен жасалганын билдирген.

















