11-августта, КР Министрлер Кабинетинин төрагасынын орун басары, УКМК төрагасы Камчыбек Ташиевдин катышуусу менен Ош шаарында 130 даана атайын техника тапшыруу аземи өттү.
“Мына бүгүн Президенттин турукташтыруу фондунан 500 млн сом акчага ушул техникалар келди. Мындан ары бул техникалар Ош шаарынын ичиндеги бардык чарбалык жумуштарды аткарууга мүмкүнчүлүгү бар. Эми эски техникаларды жок кылып, жаңылары менен иштегиле”,-деди Ташиев.
Тапшырылган атайын техникалардын ичинде жол тазалагычтар, кар сүргүзтөр, жүк жүктөгүчтөр бар.
Мындан улам Ош шаардык муниципалдык ишканасы 21 жаштан 60 жашка чейинки тажрыйбалуу айдоочуларды жумушка чакыра баштады.
Ушул эле күнү түшкө чейин Ташиев Нарын облусунда болуп, Нарын районунун акимине жалпы 70 милион сомдук 10 даана жаңы айыл чарба техникаларынын ачкычтарын тапшырды. УКМК төрагасы Ак-Талаа районуна дагы жаңыдан сатып алуу үчун атайын техникалардын тизмесин даярдоону айтты. Мындан сырткары, Ак-Талаа, Ат-Башы райондору менен Нарын шаарындагы бир катар ишканаларга да атайын техникаларды тапшырды.



















