Пластик өндүрүшү 1950-жылдан бери 200 эседен ашык көбөйүп, адамдын ден соолугуна жана экосистемага ар бир этапта — чийки затты казып алуудан тартып утилизациялоого чейин зыян келтирүүдө. Платик өндүрүшү 2060-жылга чейин жылына 1 миллиард тоннадан ашат деп болжолдонууда.
Бул тууралуу The Lancet медицияналыу журналы жарыялаган баяндамада айтылат.
Эксперттер пластикти “адамзат жана планета үчүн олуттуу, өсүп жаткан жана бааланбаган коркунуч” деп атап жатышат. Бул пластик кризиси жыл сайын ооруларга, өлүмдөргө жана кеминде 1,5 триллион долларлык экономикалык жоготууларга алып келүүдө.
“Биз пластикалык булгануунун ден соолукка тийгизген таасиринин масштабы жана оордугу тууралуу жакшы билебиз», — деди отчеттун башкы автору, Бостон колледжинин педиатры жана эпидемиологу профессор Филип Ландриган.
Анализ ошондой эле ымыркайлар жана жаш балдар пластиктин зыяндуу таасирине өзгөчө сезимтал болоорун аныктады. Анын таасири боюнан түшүп калуу, мөөнөтүнөн мурда төрөлүү жана өлүү төрөлүү, тубаса кемтиктер, өпкөнүн өсүшүнүн бузулушу, балалык рак оорусу жана кийинчерээк төрөттүн көйгөйлөрү менен байланышкан.
Пластик жашоо циклинин ар бир этабында коркунуч туудурат: казылып алынган отундан баштап, өндүрүшкө, колдонууга жана утилдештирүүгө чейин. Ал абаны булгайт, адам организмин токсиндер жана микропластик менен толтурат, таштандынын топтолгон жерлери ооруну тараткан чиркейлер үчүн уяга айланат.
Дарыяларда пластик таштандыларга толгон көрүнүштөрдү көрсөткөн аэрофотосүрөттөр бул катастрофанын масштабын айкын далилдейт.
Изилдөөдө 8 миллиард тонна пластик учурда Эвересттин чокусунан тартып океандын эң терең чуңкуруна чейин бүт планетаны булгап жатканы белгиленет. Пластиктин 10%дан азы гана кайра иштетилет.
Изилдөө кризисти чечүү үчүн пластмасса боюнча глобалдык келишимди макулдашуу боюнча өлкөлөрдүн ортосундагы сүйлөшүүлөрдүн алтынчы раундун утурлай жарыяланды.



















