Казакстандын тунгуч президенти Нурсултан Назарбаевдин Москвага сапары жеке, расмий эмес мүнөздө болду.
Анын Орусиянын президенти Владимир Путин менен болгон жолугушуусун Казакстандын мурдагы президентинин кеңешчиси жана басма сөз катчысы Айдос Үкибайдын билдирүүсүнө таянып Zakon.kz агенттиги жазды.
“Массалык маалымат каражаттарынын суроосуна байланыштуу мен сиздерге Нурсултан Назарбаевдин Москвага сапары жеке, бейрасмий мүнөздө болду. Ал Владимир Путин менен мамлекеттик ыйгарым укуктардын бар-жоктугуна карабастан сакталып келген көп жылдык достук мамилелери бар”, – деди мурдагы президенттин кеңешчиси жана басма сөз катчысы.
Нурсултан Назарбаевдин өкүлү белгилегендей, биринчи президент бир катар дүйнөлүк лидерлер менен телефон аркылуу сүйлөшүү, жеке кат алышуу жана жолугушуулар аркылуу байланышып турат. Бул Орусияга гана эмес, Түркияга, Кытайга, БАЭге, Өзбекстанга, Беларуска жана башка өлкөлөргө да тиешелүү.
Анын айтымында, бул өз ара аракеттенүү форматы эл аралык практикага туура келет жана мамлекеттик ишмердүүлүктүн жылдарында калыптанган жеке байланыштарды чагылдырат.
Ошол эле учурда мамлекеттик кызматтарды ээлебеген абройлуу саясий ишмерлер менен жеке жолугушуулар кадыресе дипломатиялык практика болуп саналат.
Айдос Үкибай кошумчалагандай, мурдагы президент Жеңиштин 80 жылдыгына арналган иш-чараларга чакыруу алган, бирок объективдүү жагдайларга байланыштуу расмий салтанаттарга катыша албай, кийинчерээк Москвага жеке барып келген.
Бул Казакстандын биринчи президенти кызматтан кеткенден кийин Владимир Путин менен биринчи жолу жолугушуусу эмес. Буга чейинки жолугушуу 2021-жылы декабрда Санкт-Петербургда, андан кийин 2024-жылдын декабрда Ново-Огареводо болгон.
Назарбаевдин Путин менен Москвадагы жолугушканы 30-майда белгилүү болгон.

















