Пуэбла штатында болгон жол кырсыгынын кесепетинен кеминде 21 адам каза тапты.
Caliber.Az агенттигинин маалыматына караганда, бул тууралуу штаттын ички иштер министри Самуэль Агилар Пала билдирди.
Анын айтымында, “Бүгүн эртең менен Куакнопалан — Оахака унаа жолунун 31-чакырымында жол кырсыгы катталды. Алдын ала маалымат боюнча, үч транспорт каражаты катышкан. Окуя болгон жерде 18 адам каза болуп, дагы 3 адам ооруканада жан беришти”, — деп жазган ал социалдык тармактагы билдирүүсүндө.
Мындан тышкары, бир нече адам ар түрдүү жаракат алып, аларга медициналык жардам көрсөтүлүп жатат.
N+ телеканалы билдиргендей, кырсыкка жүк ташуучу унаа, цистерна жана жүргүнчү ташуучу автобус катышкан. Кагылышуудан кийин цистерна жарылып кеткен. Бул аймактагы жол убактылуу жабылды.



















