Кытайдын түндүк-батышында болгон күчү 6,2 баллга жеткен жер титирөөдөн каза болгондордун саны 118ге жеткенин Кытайдын борбордук телеканалы билдирди.
Телеканалдын маалыматы боюнча, Ганьсу провинциясында 105, Цинхай провинциясында 13 адам каза болду. Мындан тышкары, Цинхай провинциясында 20 адам менен байланыш үзүлүп, дагы 182 адам жаракат алган.
Буга чейин 111 адам каза болгону маалымдалган.
Мындан тышкары, кырсык болгон аймакта айрым суу, электр энергиясы, транспорт, байланыш жана башка инфраструктуралык объектилер жабыркаган.
КЭР Каржы министрлиги менен Өзгөчө кырдаалдар министрлиги кырсыктын кесепеттерин жоюу үчүн Ганьсу жана Цинхай провинцияларына 200 миллион юань (28 миллион долларга жакын) каражат бөлдү.


















