Кыргызстандын курама командасы Сербиянын борбору Белград шаарында өткөн күрөш боюнча Дүйнө чемпионатында командалык эсепте 3-орунду ээледи.
Кыргызстандык спортчулар жалпы 5 медаль утушту.
Алтын медалды Айсулуу Тыныбекова, Акжол Махмудов жана Жоламан Шаршенбеков, күмүш медалды Айпери Медет кызы, ал эми коло медалды Тайырбек Жумашбек уулу жеңип алды.
Азыркы учурда Кыргызстанда Парижде өтө турган Олимпиада оюндарына катышуу үчүн 5 медаль бар — Айпери Медет кызы и Айсулуу Тыныбекова (кыз-келиндер күрөшү), Денис Петрашов (сууда сүзүү), Акжол Махмудов жана Жоламан Шаршенбеков (грек-рим күрөшү).
Белгилей кетсек, күрөштүн эркин, грек-рим жана кыз-келиндер түрү боюнча дүйнө биринчилиги 16-24-сентябрь күндөрү болуп өттү. Анда биринчи орунду Япония (6 алтын, 3 күмүш, 3 коло) алса, экинчи орунга АКШ (4 алтын, 3 күмүш, 7 коло) чыкты.
Ал эми Кыргызстандан кийинки төртүнчү орунда Иран, бешинчи Азербайжан жана алтынчы орунда Россия турат.




















