Конгодо белгисиз оору ондогон адамдардын өмүрүн алды, деп билдирди жергиликтүү саламаттыкты сактоо министрлиги.
Кээ бир ЖМКлардын маалыматына караганда, курман болгондордун саны 150гө жакындап баратат. Жакында Конгонун Саламаттыкты сактоо министрлиги белгисиз оорунун 79 курмандыгы жана 376 оорулуу болгонун жарыялады, деп жазат NBC News.
Бөлүм ысытма, баш оору, мурундун бүтүшү, жөтөл, дем алуунун кыйындашы жана аз кандуулук сыяктуу симптомдорду билдирди.
Саламаттыкты сактоо министрлиги ошондой эле ушул сыяктуу симптомдордон каза болгон адамдардын сөөктөрү ыйгарым укуктуу саламаттыкты сактоо органдарынын катышуусуз иштетилбеши керектигин кошумчалап, адамдардfy кандайдыр бир шектүү оорулар же адаттан тыш өлүмдөр тууралуу билдирүүнү суранды.
Жарандарды эл көп чогулган жерлерден алыс болууга жана гигиенаны сактоого чакырды.
ДСУ эмне болуп жатканынан кабардар экенин жана Конгого адистердин тобун жибергенин билдирди.
Ошондой эле, Конгодо кеңсеси бар АКШнын Ооруларды көзөмөлдөө жана алдын алуу борборлору жергиликтүү өзгөчө кырдаалдарды башкаруу борбору жөнөткөн ыкчам жооп берүү тобуна техникалык жардам көрсөтүп жатканын билдирди.
Ал арада айрым маалымат каражаттары Конго бийлигине шилтеме жасап, курмандыктардын саны 143кө жеткенин жазышууда.
Белгилей кетсек, мындан бир нече ай мурун коңшулаш Конгого коңшулаш Руандада Марбург вирусунун очогу катталган. Андан кийин ДСУ бул оорунун эпидемиясынын жогорку коркунучун жарыялады, анын ичинде аймактык деңгээлде. Европа өлкөлөрүндө бир нече учурлар аныкталган – бардыгы Руандага саякатка байланыштуу.
Октябрь айында Марбург вирусуна байланыштуу кырдаалга байланыштуу башка өлкөлөрдө көзөмөл күчөтүлгөн.
Мындан тышкары, вирус катталган өлкөлөргө бара жаткан чет элдиктерге эпидемиологиялык коопсуздук чараларын сактоо эскертилген.
















