Казанда өтө турган БРИКСтин саммитине 33 мамлекет, анын ичинде 24ү мамлекет лидерлери катышарын тастыктады, деп билдирди Татарстандын вице-премьер-министри, республиканын Министрлер кабинетинин аппарат жетекчиси Шамил Гафаров.
«30дан ашык мамлекет катышууну ырастады – 24 өлкө жогорку бийлик өкүлдөрүнүн деңгээлинде, тогуз өлкө – экинчи жана үчүнчү жактардын деңгээлинде… Алты эл аралык уюм, Бириккен Улуттар Уюмунун Башкы катчысы Антониу Гутерриш», – деди Гафаров брифингде.
Саммитке катыша турган эл аралык уюмдардын катарында Евразиялык экономикалык миссиясы, Көз карандысыз Мамлекеттер Шериктештиги, Шанхай Кызматташтык Уюму, Россия жана Беларусь мамлекеттеринин Биримдиги, Жаңы Өнүгүү Банкы да бар.
«Мындай масштабдагы делегацияларды Татарстан гана эмес, Россия да кабыл алган эмес», – деп баса белгиледи Гафаров.
Ал ошондой эле саммитти даярдоо боюнча иштер бир жарым жыл мурун башталганын жана бул убакыттын ичинде республикада аны Татарстандын башчысы Рустам Минниханов жетектегенин эске салды.
Эске салсак, буга чейин Ирандын президенти Масуд Пезешкян Казанда өтүүчү БРИКСтин саммитине катыша турганын Ирандын Орусиядагы элчиси Казем Жалали БРИКСтин медиа саммитинин алкагында ырастаган.
БРИКС – 2006-жылы Орусия, Кытай, Индия жана Бразилия тарабынан түзүлгөн мамлекеттер аралык бирикме. Ага 2011-жылы Түштүк Африка кошулган. Орусия 2024-жылдын 1-январынан бери уюмга төрагалык кылууда. 2024-жылдын башынан бери БРИКСке Египет, Эфиопия, Иран, БАЭ жана Сауд Арабия кошулган.
Орусиянын БРИКСке төрагалыгы адилеттүү глобалдык өнүгүү жана коопсуздук үчүн көп тараптуулукту бекемдөө урааны астында өтүүдө. Өзүнүн төрагалыгынын алкагында Орусия 200дөн ашык саясий, экономикалык жана социалдык иш-чараларды уюштурат. Негизгиси Казанда 22-октябрдан 24-октябрга чейин өтүүчү БРИКСтин мамлекет башчыларынын саммити болмокчу.



















