Казакстанда жыл башынан бери төрт теракт даярдоо иши үзгүлтүккө учуратылган. Бул туурасында Республиканын Улуттук коопсуздук комитетинин (УКК) төрагасы Ермек Сагимбаев президент Касым-Жомарт Токаевге маалымат берди.
Ведомствонун башчысы 2024-жылдын башынан берки иштердин негизги жыйынтыктары тууралуу маалымат берип, алдыдагы мезгилге милдеттерге токтолду.
Улуттук коопсуздук комитетинин төрагасынын докладынан:
- Улуттук коопсуздук органдары тарабынан төрт теракттын алдын алуу иштери жүргүзүлдү;
- терроризм жана экстремизмге катыштыгы үчүн 84 адам соттолуп, 44ү кармалды;
- террордук мүнөздөгү кылмыштарды жасаган деген шек менен издөөдө жүргөн алты казакстандык Сирия жана Түркиядан экстрадицияланып, алардын экөө соттолгон;
- терроризм жана экстремизмге тиешеси бар 824 чет элдиктин Казакстанга кирүү аракети токтотулду;
- Ички иштер министрлиги менен биргеликте 19 уюшкан кылмыштуу топ зыянсыздандырылган, 60 адам кармалган;
- Мыйзамсыз жүгүртүүдөн 505 ок атуучу курал, 5 колго жасалган жардыргыч түзүлүш, 45 жардыргыч пакет жана 15 046 ок-дарылар алынган;
- Баңгизат өндүрүү боюнча 33 лаборатория, ошондой эле аларды ташуу боюнча 35 эл аралык жана 31 аймактык канал жоюлган;
- Мамлекеттик органдардын маалымат системасына 552 миллиондон ашык киберчабуулдардын жана 6 миң DDoS чабуулунун алдын алынды.
Жолугушуунун жыйынтыгында Токаев улуттук коопсуздук органдарынын ишмердүүлүгүнүн багыттары боюнча бир катар тапшырмаларды берди.



















