Мындай чечим Улуттук экономика министри — вице-премьер Серик Жумангариндин төрагалыгы алдында өткөн тышкы соода саясаты жана эл аралык экономикалык уюмдарга катышуу маселелери боюнча ведомстволор аралык комиссиянын жыйынында кабыл алынганын Kazinform агенттиги өкмөттүн басма сөз кызматына таянып билдирди.
Уй этин экспорттоого убактылуу сандык чектөө ички базарда баанын өсүшүн кармоо жана калкты жетиштүү көлөмдө уй эти менен камсыз кылуу максатын көздөйт. Ошол эле учурда квоталар ири, ишенимдүү өндүрүүчүлөргө учурдагы келишимдер боюнча жеткирүүлөрдү улантууга жана чет өлкөлүк рынокторду сактап калууга мүмкүндүк берет. Тийиштүү буйрукту Айыл чарба министрлиги кабыл алат.
Ошондой эле жыйында Казакстандан бензинди, дизелдик отунду жана айрым мунай продуктыларын автоунаа жана темир жол аркылуу алып чыгууга тыюуну узартуу чечими кабыл алынды. Бул чара ички рынокту үзгүлтүксүз камсыз кылууга багытталган.
Мындан тышкары, 2026-жылдын январынан тартып жарым жылга чейин ЕАЭБнин бажы аймагынан жеңил дистилляттарды, авиакеросинди, дизелдик отунду, газойлдорду, толуолду, ксилолду жана мунай битумун алып чыгууга болгон тыюу узартылат.
Буга чейин айыл чарба министринин орун басары Азат Султанов Казакстандагы эт баасынын келечеги тууралуу пикирин билдирген.



















