Маданият, маалымат, спорт жана жаштар саясаты министринин биринчи орун басары Кайрат Иманалиев 31-мартта Ирандын “Fars News” агенттигинин Борбордук Азиядагы директору Алиреза Чармеги менен жолугушту.
Бул тууралуу Маданият, маалымат, спорт жана жаштар саясаты министрлигинин маалымат кызматы кабарлады.
Жолугушуунун жүрүшүндө тараптар маалымат (контент) менен алмашуу жана өлкөлөр ортосундагы жалпыга маалымдоо каражаттары кызматташтыгынын механизмин өркүндөтүү зарылдыгын белгилешти.
Бул эки өлкөнүн элдеринин өз ара түшүнүшүүсүн бекемдөөгө жана мамилелерди мындан ары өнүктүрүү үчүн коомдук пайдубалды түзүүгө мүмкүндүк берет.
Алиреза Чармеги “Fars News” агенттиги тарабынан 2023-жылы Иран Ислам Республикасына чакырылган кыргызстандык тележурналисттердин алдыдагы окуу сапары тууралуу маалымат берди.
Жолугушуунун жыйынтыгы боюнча Тараптар маалыматтык саясат жаатында мындан аркы кызматташууга эки тараптуу даярдыгын белгилешти.
Жолугушууга Борбор Азия боюнча редактору Хасан Чупани, Жавод Курд жана “Fars News” агенттигинин Бишкектеги аткаруучу директору Абольфазл Агахасани да катышты.
