Түркиянын президенти Режеп Тайип Эрдоган Ирандын “Шахид Ражаи” портундагы жарылууга байланыштуу өлкөсүнүн жана элинин атынан Ислам республикасынын жетекчилигине жана элине көңүл айтты.
Бул тууралуу ISNA агенттиги кабарларды.
“Көптөгөн адамдардын каза болушуна жана жаралануусуна алып келген жардырууга байланыштуу Иран элинин кайгысын тең бөлүшөм”,- деди Эрдоган.
Буга чейин Түркиянын Тышкы иштер министрлиги да Иран элине жана кырсыктан каза болгондордун жакындарына терең кайгыруу менен көңүл айтып, жабыркагандардын тезирээк сакайып кетишин каалаган.
Бандар-Аббас шаарындагы Шахид Ражаи портунда катуу жарылуу 26-апрелде болгон. Ирандын Ички иштер министрлиги окуяга шалаакылык себеп болгонун билдирди. Окуядан 70 адам каза таап, 1200дөй киши жарадар болду.
Шахид-Ражаи – Ирандагы эң ири соода порту. Ал Ормуз кысыгынын жанында жайгашкан. Бул жер Ирандын эң чоң контейнердик түйүнү катары өлкөнүн суу аркылуу ташылчу жүктөрдүн болжол менен 90%ын тейлейт. Анын аянты 2400 гектарга жакын. Дал ушул транспорттук түйүн “Түндүк-Түштүк” экономикалык долбоорунда маанилүү роль ойнойт.
Бандар-Аббастагы кырсыкка байланыштуу Иран элине жана жетекчилигине дүйнө өлкөлөрүнүн лидерлери, анын ичинде Борбор Азия өлкөлөрүнүн лидерлери, Россиянын президенти, Кытай, Египет, Сауд Аравиянын жетекчилиги жана башка өлкөлөр көңүл айтышты.

















