Ирандык тышкы саясат боюнча адис Хошчешмдин айтымында, 12 күндүк согуш маалында АКШ Иран аймагында адамдарды уурдоо боюнча операцияларды «венесуэлалык сценарий» менен жүргүзүүнү пландаган.
Анын сөзүнө караганда, операцияны жашыруу үчүн кош жарандуулугу бар адамдарды жана жергиликтүү колдоочу топторду колдонуу көздөлгөн. Бирок Ирандын чалгын кызматы бул планды аныктап, камсыздоо тармагын толугу менен кармап, чет элдик атайын күчтөрдүн өлкөгө кирүү аракетин үзгүлтүккө учураткан.
Хошчешм белгилегендей, кош жарандуулукка ээ болгон айрым адамдар Иранга окуялар башталганга чейин эле келип, Тегерандын айланасында болжол менен 100–200 чакырым аралыкта жайгашып турушкан.
Алардын бири Германиядан келген, кесипкөй жыгач уста болгон. Ал жогорку деңгээлдеги жабдууларга ээ болуп, расмий түрдө эмерек жасоо жана устачылык иштери менен алектенген компания катары катталган.
Дал ушул жабдуулардын жардамы менен адамдарды уурдоо үчүн арналган атайын жыгач жашыруун отсектер жасалган. Жалпысынан мындай үч отсек даярдалган. Бул адамдар уурдоо операциясын техникалык жактан камсыздоого тийиш болгон.
Пландын негизинде Израил менен АКШнын атайын багыттагы бир нече бөлүгү сырттан аба аркылуу Иран аймагына киргизилиши керек эле.
Бирок операция катуу соккуга кабылып, кырдаал алар үчүн өтө оор болуп калгандыктан, камсыздоо тобу толугу менен жабдуулары менен кошо камакка алынган.
Ал ошондой эле Венесуэлада жасалган аракеттер дал ушул ыкманын бир бөлүгү болгонун айтты.
Аные айтымында, бул ыкма «шок жана шал кылуу» операциясы деп аталат: бир нече чекитке сокку уруу, башаламандык жаратуу, кырдаалды туруксуздаштыруу, андан соң тез арада кирип, максатка алынган адамды уурдап чыгып кетүү.
«Алар бүгүн да Венесуэлада бир нече жерге сокку уруп, шок жаратып, андан кийин барып Мадурону алып кетишти. Сиздер бизге да ушундай кылууну каалашкан жок деп ойлойсуздарбы? Каалашкан — бирок ишке ашыра алышкан жок.
Алар муну кыла алышпайт. Андан да маанилүүсү — бул азыр алардын стратегиялык алкагына да туура келбей калды», — деп жыйынтыктады Хошчешм.















