26 -декабрда эртең менен Япониянын түндүгүндөгү Аомори префектурасынын жээгинде 5,6 баллдык жер титирөө болду.
Синьхуа агенттиги маалымдагандай, жер титирөө жергиликтүү убакыт боюнча саат 1:17де Аомори префектурасынын Тынч океан жээгинде 40 километр тереңдикте болгон.
“Жер титирөөнүн магнитудасы Японияда колдонулган 7 баллдык сейсмикалык интенсивдүүлүк шкаласы боюнча 3,0 баллды түзгөн”, деп айтылат билдирүүдө.
Зилзаланын эпицентри түндүк кеңдиктин 41,2 градусунда жана чыгыш узундуктун 142,6 градусунда жайгашкан. Бул 240 000 калкы бар Хачинохе шаарынан болжол менен 111 чакырым алыстыкта.
Курмандыктар же кыйроолор тууралуу маалымат жана цунами коркунучу жарыяланган жок.
Эскерте кетсек, 8-декабрда Аомори префектурасынын жээгиндеги 7,5 баллдык жер титирөө катталса, ал эми 12-декабрда магнитудасы 6,7 баллга чейинки жер титирөө катталып, жээкке 70 сантиметрге чейинки бийиктиктеги цунами сокку урган.


















