Испанияда нөшөрлөгөн жамгырдан жана селден каза болгондордун саны 207ге жеткенин жана курмандыктардын саны дагы өсүшү ыктымал экенин өлкөнүн ички иштер министри Фернандо Гранде-Марласка билдирди.
“Акыркы маалыматтар боюнча, каза болгондордун саны 207”, – деди министр Cadena Ser радиостанциясына берген маегинде.
Ал эксперттердин эсептөөлөрүн эске алуу менен “каза болгондордун саны көбөйүшү мүмкүн деп кошумчалады.
Буга чейин Испаниянын Валенсия аймагында нөшөрлөп жааган жамгырдын жана селдин кесепетинен каза болгондордун саны 202 адамга жеткени маалымдалган.
Испания өкмөтү селден жабыркагандарга жардам көрсөтүү үчүн 2000дей аскерди тарткан.
Испания өкмөтү жамгырдан жана селден каза болгондорго байланыштуу үч күндүк аза күтүү жарыялаган.
Кырсык Испаниянын чыгышындагы эң катуу жабыркаган Валенсиядагы жол инфраструктурасына олуттуу зыян келтирип, 60тан ашуун жол жабылды. Жергиликтүү Europa Press агенттиги Валенсия провинциясында электр энергиясы акырындык менен калыбына келтирилип жатканын билдирди. Шаршембиде 155 миң үй жарыксыз калса, азыр алардын 40 миңи гана калды.















