Израиль жакында “өч алуунун даамын”, ал эми палестиндиктер болсо “жеңиштин таттуу даамын” татат”
Бул тууралуу Ирандын Ислам революциясынын сакчылар корпусунун командири Хоссейн Салами билдирди.
“Палестина эли жакында жеңиштин таттуу даамын татат, ал эми Израиль жана (Палестинанын – ред.) душмандары да жакында өздөрүнүн кылмыштары үчүн өч алуунун даамын татышат”, – деп Салами.
Жакынкы Чыгыштагы кырдаал Тегерандын борборунда палестиналык ХАМАС кыймылынын Саясий бюросунун башчысы Исмаил Хания өлтүрүлгөндөн кийин курчуп кеткен. Хания 30-июлда Иранга жаңы президенттин инаугурациясына катышуу үчүн келген. Кыймыл Ханиянын өлүмү үчүн Израиль менен АКШны айыптап, кол салуу жоопсуз калбасын билдирген. Иран окуя үчүн Израилди айыптап, катаал жооп кайтарарын убада кылган. Ирандын жогорку лидери аятолла Али Хаменеи Израиль Ханияны өлтүрүү менен өздөрүн катаал жазага кириптер кылганын айткан.
Израиль тарап Ирандын чабуулун июль айынын аягынан бери күтүүдө.
Буга чейин Ислам революциясынын сакчылар корпусунун расмий өкүлү, генерал-майор Али Мохаммад Наэини Ирандын Израилге жообу мурунку операциялардан айырмаланышы мүмкүн экенин билдирген. Ал Иран Израилге жооп кайтарууда убакытты көпкө чоюшу мүмкүн экенин айткан.
“Убакыт биз тарапта, жооп күтүү узакка созулушу мүмкүн”, – деген ал.
Наэини Иранга жасалган бир дагы чабуул жоопсуз калбагынын жана душман тиешелүү убакта ойлонулган жана так соккуларды күтүшү керек экенин баса белгилеген.

















