Ирандын бийлиги Баб-эль-Мандеб кысыгы аймагында «жаңы фронт ачышы мүмкүн» экенин билдиришти. Бул тууралуу Tasnim агенттиги аскерий булакка таянып кабарлады.
Маалыматка ылайык, мындай кадам Ирандын аралдарына кол салуу же жаңжалдын күчөшү шартында мүмкүн.
Аталган маалымат булагынын билдирүүсүндө, эгер душман Ирандын аралдарында же өлкөнүн башка аймактарында аскерий аракеттерди баштаса жана Перс булуңунда деңиз операциялары аркылуу зыян келтирсе, анда Иран башка фронтторду ачат.
Буга чейин Ирандын Тышкы иштер министрлиги Эл аралык деңиз уюмуна Ормуз кысыгы ачык бойдон каларын билдирген. Ошондой эле Тегеран деңиз каттамындагы мүмкүн болгон үзгүлтүктөр үчүн жоопкерчиликти АКШ менен Израилге жүктөдү.
Министрлик Вашингтон аймактагы туруктуулукка коркунуч жаратканын белгиледи.
Мындан тышкары, абадан коргонуу күчтөрүнүн тарыхчысы жана аскердик эксперт Юрий Кнутов NEWS.ru басылмасына берген маегинде, Ирандын Ормуз кысыгын көзөмөлдөшү (АКШ менен тынчтык келишиминин алкагында) өлкөнүн аймактык бүтүндүгүн сактоого жардам берерин айтты.
Анын пикиринде, Тегеран ошондой эле согуш учурунда келтирилген зыян үчүн компенсация алууга жетишиши керек.

















