Ирандын БУУдагы туруктуу өкүлү Амир Саид Иравани Тегеран Сирияда эркин шайлоолорду өткөрүү жана бардык сириялыктарды адилеттүү өкүлчүлүк менен камсыз кылган улуттук диалог аркылуу инклюзивдүү өкмөт түзүүнү колдойт деп билдирди.
БУУнун Коопсуздук Кеңешинде, Батыш Азиядагы абал жана атайын Сирия боюнча өткөрүлгөн жыйынга катышып, Иравани Ислам Республикасы Сириянын эгемендүүлүгүнө, көзкарандылыгына, биримдигине жана аймактык бүтүндүгүнө бекем берилгендигин белгиледи, өлкөнүн келечеги тек гана анын эли тарабынан сырттан кийлигишүүсүз аныкталышы керектигин айтты.
Сириядагы инклюзивдүү өкмөттү колдоо
Тегеран Сирияда өлкөнүн бардык этникалык жана диний топторунун эркиндигин чагылдырган инклюзивдүү өкмөттү түзүүнү туруктуу колдоп келет.
Ирандын тышкы иштер министри Аббас Аракчи Сирияда бардык саясий, этникалык жана диний топторду өкүлчүлүк кылган өкмөт түзүү керектигин, ошондой эле ички карама-каршылыктардын алдын алуу маанилүү экенин баса белгиледи.
Ирандын Израилге карата айыптоолору
Иравани Израилдин Сириянын эгемендүүлүгү жана аймактык бүтүндүгүн бир нече ирет бузганын белгиледи.
Ал Тель-Авив БУУнун Коопсуздук Кеңешинин резолюцияларын эске албай, Голан бийиктиктеринен өз аскерлерин чыгарыштан баш тартканын айтты.

Акыркы маалыматтарга караганда, сионисттик аскерлер Сириянын Голан бийиктиктериндеги Эш-Шейх тоосу жагында күчтөрүн бекемдеп, коргонуу позицияларын жакшыртууда.
Эл аралык коомчулукка кайрылуу
Ирандын БУУдагы элчиси Израилдин агрессиясын токтотуу жана Израилдин аскерлерин бардык окуптацияланган Сирия жерлеринен чыгаруу үчүн Коопсуздук Кеңешин чечкиндүү чараларды кабыл алууга чакырды.
Ал мындай кадамдар аймактагы тынчтыкты жана туруктуулукту калыбына келтирүү үчүн зарыл экенин белгиледи.
Тегеран Сирияда коопсуздук жана туруктуулукту орнотууга жардам берүү үчүн бардык кызыкдар тараптар менен консультацияларды улантып, бул максатта аракет кылып келет.
















