Индонезия БРИКСтин толук кандуу мүчөсү болгонун Бразилия өкмөтү жарыялады, бул тууралуу маалымат өлкөнүн Тышкы иштер министрлигинин расмий сайтында жарыяланды.
«Бразилиянын 1-январда башталган жана 2025-жылдын 31-декабрына чейин созула турган БРИКСтеги убактылуу төрагалыгынын алкагында, Бразилиянын өкмөтү 6-январда Индонезия Республикасынын БРИКСке толук кандуу мүчө катары расмий киришин жарыялады», – деп айтылат маалыматта.
Индонезиянын талапкерлиги топтун лидерлеринин 2023-жылдын августунда Йоханнесбург саммитинде консенсус менен жактырылган, бирок бириммеге кошулуунун алдында бул өлкөдө президенттик шайлоо өтүп, жаңы өкмөт түзүлгөн.
Буга чейин 20-декабрда Бразилиянын тышкы иштер министри Мауро Виейра БРИКС деңгээли жактан G20 форматына жакындап жатканын билдирген.
БРИКС – 2006-жылы түзүлгөн мамлекеттер аралык бирикме, ага Орусия, Кытай, Индия, Бразилия жана Түштүк Африка кирет; Өткөн жылы бул топко Египет, Эфиопия, Иран жана БАЭ кошулган.
