“Жетилик тобу” Украинадагы жаңжал аяктагандан кийин дароо эле Орусиянын активдерин автоматтык түрдө бошотууну пландабайт, анткени Москва адегенде Киевге келтирилген зыяндын ордун толтурушу керек деп эсептейт.
Бул тууралуу G7деги булактарга таянуу менен Nikkei билдирди.
«Биз… Орусия Федерациясынын биздин юрисдикциядагы суверендүү активдери Орусия агрессиясын аяктамайынча жана Украинага келтирилген зыяндын ордун толтурмайынча тоңдурулган бойдон калаарын ырастайбыз», — деп айтылат Италия тарабынан даярдалган G7 лидерлеринин билдирүүсүндө.
Анда белгиленгендей, G7 Киевге 50 миллиард доллар насыяга кепилдик берет, деп белгилейт Nikkei. Бул билдирүүнүн акыркы варианты ушул жылдын аягында жарыяланат.

















