Чехияда коммунизмди пропагандалоого тыюу салган мыйзам кабыл алынып, ага президенти Петр Павел кол койду. Эми коммунисттик кыймылдарды түзүү жана аларга колдоо көрсөткөндөр 5 жылга чейин эркинен ажыратылышы мүмкүн.
Бул маалыматты Gazeta.ru агенттиги жазды.
“Коммунисттик кыймылдарды түзүү жана аларга колдоо көрсөткөндүгү үчүн эми 5 жылга чейин эркинен ажыратылышы мүмкүн. Тыюу буга чейин Чехиянын жана Моравиянын Коммунисттик партиясы тарабынан сынга алынып, бийликтер уюмду мыйзам чегинен чыгарып, оппозицияны коркутууга аракет кылып жатканын билдирген”,- деп айтылат маалыматта.
Белгиленгендей, Чех бийлиги бир нече жылдан бери советтик мураска каршы күрөшүп келет.
“2020-жылы Прагада СССРдин маршалы Иван Коневдин эстелиги демонтаждалган. Эстеликти кулатуу учурунда жергиликтүү активисттер тобу буга жол бербөөгө аракет кылышкан, бирок тегереги милиция кызматкерлери тарабынан курчоого алынган. Россиянын Прагадагы элчилиги Чехиянын тышкы иштер министрлигине нааразычылыгын билдирип, Москвадан жооп болорун убадалады. Чехиянын Сенаты советтик ишмерлердин эс тутумун COVID-19 коронавирусунун пандемиясына салыштырды”, – деп кошумчалаган маалыматта.
Коневдин эстелиги 1980-жылы 9-майда ачылган, ал скульптор Зденек Крыбус менен архитектор Вратислав Рузицканын эмгеги.
Кошумчалай кетсек, буга чейин Петр Павел орусиялыктарга өлкөнүн жарандыгын белгисиз мөөнөткө алууга тыюу салган мыйзамга кол койгон.
Ал эми орус бийликтери Батыш өлкөлөрүнүн нацизм менен коммунизмдин өздүгү тууралуу билдирүүлөрүн кабыл алынгыс деп атайт.
Бул туурасында тышкы иштер министрлигинин басма сөз катчысы Мария Захарова мындай өкүмдөр Россиянын элин гана таарынтып тим болбостон, фашизмге каршы күрөштө курман болгон миллиондогон советтик жарандардын жаркын элесине шек келтирерин билдирген.
Анын айтымында, Россияда СССРдин жана фашисттик Германиянын Экинчи дүйнөлүк согуш учурундагы ролун ачык аныктоо үчүн административдик жоопкерчилик каралган. Жарандар үчүн мындай аракеттер 15 суткага чейин камакка алынат же 2000 рублга чейин, кызмат адамдары үчүн – 4000 рублга чейин, юридикалык жактар үчүн – 25000 рублга чейин айып салынат.


















