АКШнын Мамлекеттик катчысы Энтони Блинкен Конгрессте жасаган докладында Израилдин Газа секторундагы аракетин сынга алып, уяткарууну көздөп жаткандыгын Axios порталы америкалык чиновникке шилтеме жасап билдирди.
Ал Израилдин коргоо армиясы (ЦАХАЛ) катышкан бир катар үрөй учурган жагдайларды атоону пландаштырып, Вашингтон сионисттик режимдин палестиналык элге карата ырайымсыз мамилесине каршы экендигин айтууну көздөп жаткандыгы белгиленген.
Израиль тарабынан эл аралык гуманитардык укуктун же палестиналыктарга гуманитардык жардамды жеткирүүдө тоскоолдук жаралган учурлар далилденсе, АКШ ага аскердик жардам берүүнү токтотуп коюшу мүмкүн. Бирок булактардын сөзүнө караганда, америкалык тышкы саясат ведомствосунун башчысы өз сюздашы тарабынан мындай эреже бузууларга карата тыянак чыгарбай коюшу мүмкүн.
Мындан мурда Израилдин премьер-министри Биньямин Нетаньяху АКШ президенти Жо Байден менен Газа секторундагы кырдаал боюнча пикир келишпестик болгондугун айтып, ошол эле учурда ал жагдайды жөнгө салса болоруна ишенерин билдирген.
















