Жолугушууга Кыргызстан, Казакстан, Өзбекстан, Түркмөнстан жана Тажикстандын тышкы иштер министрлери катышты.
Жыйындын негизги максаты – Борбор Азия мамлекеттеринин башчылырынын VI консультативдик жолугушуусунда кол коюла турган күн тартибиндеги маселелерди жана жыйынтык документтерди талкуулоо болду.
Тышкы иштер министрлери саясий өз ара аракеттенүүнү бекемдөө, туруктуу экономикалык өсүштү камсыз кылуу, гуманитардык байланышты тереңдетүү жана аймактык коопсуздукка болгон чакырыктарга жана коркунучтарга биргелешип каршы туруу максатында кызматташуу боюнча пикир алмашты. Ошондой эле, мындан ары кызматташтыкты тереңдетүүгө даяр экенин билдиришип, аймактын актуалдуу маселелерин талкуулоо үчүн үзгүлтүксүз жолугушуулардын маанилүүлүгүн ырасташты.
Иш чаранын жүрүшүндө Кыргызстандын тышкы иштер министри Жээнбек Кулубаев биздин өлкө кошуна мамлекеттер менен жакшы мамиледе болуу принциптерин карманып, Борбордук Азиядагы элдин бакубаттуулугун жогорулатууга жана аймактагы стабилдүүлүктү чыңдоого багытталган регионалдык долбоорлорду ишке ашырууга активдүү катышууга даяр экенин баса белгиледи.



















