Ирандын Тышкы иштер министри Аббас Аракчи коңшу Ооганстан чет элдик кийлигишүүсүз эле аймакка интеграцияланышы зарыл экенин билдирди.
«Ооганстандагы окуялар коңшу өлкөлөрдүн коопсуздугуна жана кызыкчылыктарына түздөн-түз таасир этет», — деди Аракчи жекшемби күнү Тегеранда өткөн Ооганстандын коңшуларынын жыйынынын кулуарларында ирандык журналисттерге берген маегинде.
«Ооганстандын көйгөйлөрүн аймактан тышкаркы оюнчулардын кийлигишүүсүз эле чечүүгө болот», — деп кошумчалады ал.
«Ооганстан — абдан маанилүү өлкө, анын эли зор мүмкүнчүлүктөргө жана келечекке ээ», — деди жогорку даражалуу иран дипломаты.
Ошондой эле Аракчи бүгүн Тегеранда Ооганстанга коңшу өлкөлөрдүн жана Орусиянын атайын өкүлдөрүнүн биринчи жолугушуусу өткөнүн айтып: «Биз Ооганстан аймак менен интеграция процессине тартылышы керек деп эсептейбиз, бул Ооганстандын өзүнө да, аймактагы өлкөлөргө да пайдалуу болот», — деп белгиледи.



















