Ыйык Рамазан айынын акыркы жумасы дүйнө мусулмандары Палестина элине тилектештик билдирген Эл аралык Аль-Кудс күнү катары белгиленет.
Бул күн Ирандын руханий лидери Аятолла Хомейни тарабынан 1982-жылы негизделген. Аль-Кудс күнү Ирандын бардык шаарларында миллиондогон адамдар Палестина элине тилектештигин билдирип, Израилдин аракеттерин айыптап, жөө жүрүшкө чыгышты.
Бүгүнкү жүрүшкө эл менен катар Ирандын президенти Ибрахим Раиси жана башка бир катар жогорку даражалуу расмий адамдар да чыкты.
Иран президенти акция учурунда бул жүрүштү Ислам Үммөтүнүн тилектештигинин жана биримдигинин символу деп атап, Аль-Кудстун бошотулушуна аз калды деп билдирди.
Акциянын катышуучулары колдоруна Иран менен Палестинаны желектерин көтөрүп чыгып, палестиндерди колдогон, Израилди айыптаган ураандарды чакырышты.
Палестина элине тилектештик көрсөтүү жүрүшүнөн тышкары, Иранда өлкөнүн Ислам революциясынын сакчылар корпусунун аскер-деңиз күчтөрү Каспий деңизинде, Перс булуңунда жана Оман деңизинде 2700дөн ашуун кеменин катышуусунда ири парад өткөрдү.
Discussion about this post