Акыркы жылдары Каспий деңизине чектеш беш өлкөдө жалпы кеминде 40 миң Каспий тюлен (итбалык) кырылган. Бул тууралуу Media.az басылмасы маалымдады.
«Компас» Улуттук экологиялык фондунун басма сөз кызматы билдиргендей, мындай жыйынтыкка окумуштуулар тобу алдын ала жүргүзүлгөн изилдөөлөрдүн негизинде келген.
Фонддун маалыматына ылайык, кырылган жаныбарлардын орточо жашы 7,7 жылды түзгөн. Бул көрсөткүч 1990-жылдардын аягындагы маалыматтарга салыштырмалуу дээрлик беш эсеге аз. Дал ушул куракта Каспий итбалыктары жыныстык жактан жетилип, көбөйө баштайт.
Адистердин айтымында, кырылган жаныбарлардын басымдуу бөлүгүн тукум улоо курагындагы итбалыктар түзгөн. Бул популяциянын кайра калыбына келишине олуттуу коркунуч жаратууда.
Ушуга байланыштуу Орусиянын экологдору Каспий итбалыгын сактоо маселеси боюнча тиешелүү комиссиянын өзүнчө жыйынын өткөрүүнү сунушташууда.
Адистердин баамында, учурда Каспий деңизинде гана кездешкен бул эндемик түрдүн жалпы саны болжол менен 300 миң башка жетет.



















