Кыргызстандын Бириккен Улуттар Уюмунун (БУУ) Нью-Йорк шаарындагы туруктуу өкүлү Аида Касымалиева уюмдун Башкы Ассамблеясынын 79-сессиясынын төрагасынын орун басары болуп дайындалды.
Бул тууралуу Кыргызстандын Тышкы иштер министрлиги (ТИМ) 11-сентябрда билдирди.
Маалыматка караганда, күн мурун БУУнун штаб-квартирасында Башкы ассамблеясынын 79-сессиясынын биринчи жыйыны өттү.
Жыйынды БУУнун Башкы ассамблеясынын 79-сессиясынын төрагасы болуп шайланган Камерундук Филемон Янг алып барды.
Ал эми Кыргызстандын туруктуу өкүлү Аида Касымалиева БУУнун Башкы ассамблеясынын 79-сессиясынын төрагасынын орун басары катары ишине киришти.
Белгилей кетсек, Аида Касымалиева Кыргызстандын БУУдагы туруктуу өкүлү болуп 2021-жылы декабрда дайындалган. Жарлыкка мамлекет башчы Садыр Жапаров кол койгон.



















