Өткөн жуманын аягында Бириккен Улуттар Уюмунун Коопсуздук Кеңеши өзүнүн иштөө ыкмалары, анын ичинде 2026-жылга карата кийинки Башкы катчыны тандоо процесси боюнча жылдык талкуу өткөрдү. Бул тууралуу БУУнун расмий баракчасына жарыяланды.
Башкы катчы уюмдун Башкы Ассамблеясы Коопсуздук Кеңешинин 15 мүчөсүнүн сунушу менен дайындалат жана 2027-жылдын январында кызматка киришет. Анын шайлануу мөөнөтү 5 жыл.
“Жакында өкмөттөр 80 жылдык уюмдун жетекчилигине талапкерликке көрсөтүү боюнча каттарды бере башташат. Анын жогорку кызматы салттуу түрдө географиялык аймактарда алмашып турат. Бирок, БУУнун эң жогорку кызматын азырынча эркектер гана ээлеп келет”, – деп айтылат маалыматта.
Белгиленгендей, келерки айларда Кеңеш кантип добуш берерин, талапкерлер менен кантип байланышарын жана мүчөлөргө өзүнүн прогресси жана жыйынтыктары жөнүндө кантип маалымат берерин талкуулайт.
“Жылдын аягы жакындаган сайын Кеңеш өзүнүн эң маанилүү милдеттеринин бирине – кийинки Башкы катчыны тандоо процессине жакындап баратат”, – деди документтештирүү жана башка процедуралык маселелер боюнча расмий эмес жумушчу топтун теңтөрагасы, Даниянын элчиси Кристина Маркус Лассен.
Россиянын туруктуу өкүлү Василий Небензя октябрь айында Коопсуздук Кеңешине төрагалык кылып турган учурда анын өлкөсү Башкы Ассамблея менен биргелешкен каттын үстүндө иштей баштаганын, ошондой эле БУУнун мүчө мамлекеттерин өз талапкерлерин көрсөтүүгө чакырган.
“Бул маанилүү процессти расмий түрдө баштоо үчүн документ тез арада кабыл алынат деп күтөбүз”, – деп белгиледи ал.
Ошондой эле Коопсуздук Кеңешинин аракеттери Катчылыктын келечектеги башчысына эң татыктуу талапкерди тандоого жардам берет деп үмүттөнөрүн кошумчалаган.
Уюмду буга чейин аял адам ээлеген эмес. Ошондуктан Чилинин өкүлү “ачык, инклюзивдүү жана гендердик инклюзивдүү процессти” жактады.
Дебатка 40тан ашык өлкө катышып, өткөн жылдын декабрь айында кабыл алынган Коопсуздук Кеңешинин иштөө ыкмалары боюнча жаңыртылган консолидацияланган көрсөтмөлөрдү, 507-эскертүүнү талкуулашты.
“БУУнун Коопсуздук Кеңешинин жол-жоболору” китебинин авторлошу Лорейн Сиверс белгилегендей, акыркы бир жылда кризистердин масштабын эске алуу менен Кеңештин жыйындары өзгөчө маанилүү болуп калган.
“Албетте, негизги көңүл бул жерде айтылган билдирүүлөргө жана резолюциялардын долбоорлору боюнча добуш берүүгө бурулат”, – деди ал.
Анын айтымында, Кеңештин мүчөлөрү менен мүчө эместер ар кандай позицияларды ээлешет. Ал эми Коопсуздук Кеңеши, БУУнун өзү Кеңештин жыйындары канчалык уюшкандыкта жана кесипкөйлүк менен өткөрүлгөнүнө жараша кадыр-баркка, ишенимге ээ болушу же жоголушу мүмкүн.


















