Беларусь президенти Александр Лукашенконун басма сөз катчысы Наталья Эйсмонт РИА Новости агенттигине декабрда Россиянын орто аралыктагы “Орешник” ракеталык комплексин күжүрмөн нөөмөткө коюу пландары бар экенин ырастады.
“Ооба, тастыктай алам”, — деди Эйсмонт РИА Новостинин суроосуна жооп берип.
“Бүгүн президентке ушул маселе боюнча аскерлер доклад беришти. Аскер өкүлдөрү декабрда болорун ырасташты”, — деп кошумчалады мамлекет башчысынын басма сөз катчысы.
Россиянын президенти Владимир Путин өткөн жылдын 21-ноябрында “Орешник” орто аралыктагы жаңы ракетасы ийгиликтүү сыналганын билдирген. АКШ жана Улуу Британиянын курал-жарагын колдонууга жооп иретинде, Россия Украинадагы коргоо өнөр жай объектилерине биргелешкен сокку урган.
2024-жылдын декабрында Лукашенко Россия президенти Владимир Путинден Беларусь аймагына жаңы орус курал-жарактарын, анын ичинде “Орешник” системасын жайгаштырууну суранган. Россия лидери “Орешникти” республикада 2025-жылдын экинчи жарымында жайгаштырууга мүмкүн экенин билдирген. Беларусь президенти 8-августта бул система үчүн биринчи позициялар даярдалып жатканын айткан.


















