Украинанын президенти Владимир Зеленский Россия президенти Владимир Путиндин Москвага келүү тууралуу сунушунан баш тартты. Бул тууралуу ал америкалык ABC телеканалына берген маегинде билдирди.
«Мен Москвага бара албайм», — деди Зеленский.
Ошол эле учурда ал карама-каршы сөз кылып, «жолугушууга даярмын, кандай гана форматта болбосун» деп белгиледи.
РФ президенти Владимир Путин 3-сентябрда Кытайдагы сапарынын жыйынтыгы боюнча журналисттер менен болгон маегинде эгер Зеленский жолугушууга даяр болсо, Москвага келиши керектигин айткан. Ошол эле учурда орус лидери Зеленскийди Украинанын “азыркы администрация башчысы” деп атап, анын президент катары ыйгарым укуктары аяктаганын белгилеген.
АКШнын президенти Дональд Трамп буга чейин Путин менен Зеленскийдин жолугушуусуна даярдык көрүп жатканын, андан кийин анын катышуусунда үч тараптуу жолугушуу болушу мүмкүн экенин билдирген. РФ лидеринин жардамчысы Юрий Ушаков белгилегендей, телефондук сүйлөшүүдө Путин менен Трамп Россия менен Украинанын делегацияларынын ортосундагы түз сүйлөшүүлөрдү улантууну колдоорун билдиришти. Анда украин жана орус тараптын өкүлдөрүнүн деңгээлин көтөрүү мүмкүнчүлүгүн изилдөө керек деген ой талкууланды.
