Конго Демократиялык Республикасында (КДР) «Демократиялык күчтөр альянсы» (ДКA) аттуу куралчан топ Итури провинциясынын түндүк-чыгышында жайгашкан Команда айылына куралдуу чабуул жасап, кеминде 34 адамды атып өлтүрүштү.
Бул тууралуу Associated Press (AP) агенттиги жергиликтүү булактарга шилтеме берүү менен кабарлады.
Жамааттын лидери Дьедонне Дурантабонун айтымында, куралчан адамдар кечки кызмат учурунда чиркөөгө бастырып киришкен. Алар ошондой эле айылдагы бир нече турак үйлөрдү жана коомдук имараттарды өрттөп жиберишкен.
Агенттиктин маалыматына ылайык, жергиликтүү бийлик бул кол салуу үчүн «Демократиялык күчтөр альянсын» күнөөлөдү.
Okapi радиостанциясы билдиргендей, жоочулар 43 карапайым тургунду, анын ичинде чиркөөгө кызматка келген 20 адамды өлтүрүшкөн. Учурда Конгонун өкмөттүк күчтөрү жана Уганданын армия бөлүктөрү ДКA жоочуларын издеп жатышат.















