АКШ Мексикадан импорттолгон помидорлорго жаңы тариф киргизет. Бул тууралуу Bloomberg агенттиги АКШнын Соода министрлигине шилтеме берүү менен кабарлады.
АКШ жакында Мексика менен помидор импорту боюнча соода келишимин жокко чыгарды жана эми 17 пайыздан бир аз жогору тариф киргизүүгө даярданып жатат.
🔹 АКШнын билдирүүсү:
Президент Дональд Трамптын администрациясы жарыялаган бул тариф, өкмөт апрель айында киргизүүнү көздөгөн 21 пайызга жакын бажы төлөмүнө салыштырмалуу төмөнүрөөк.
«Мексика биздин башкы өнөктөштөрүбүздүн бири бойдон калууда, бирок биздин фермерлер адилетсиз соода тажрыйбасынан улам, баанын төмөндөшүнөн көптөн бери жапа чегип келишкен. Бүгүн биз муну токтотобуз», — деди соода министри Говард Лютник билдирүүсүндө.
🔹 Мексиканын жообу:
Мексика өкмөтү бул тарифти «саясий» жана «адилетсиз» деп атады. Өлкөнүн айыл чарба жана экономика министрликтери тараткан биргелешкен билдирүүдө, мексикалык фермерлердин рыноктогу үлүшү продукциянын сапаты менен түшүндүрүлөрү, ал эми кандайдыр бир адепсиз аракеттер жок экени айтылат.
Мексикалык өндүрүүчүлөр АКШдагы томат суроо-талабынын үчтөн экиси алардын жеткирүүлөрү менен камсыздалып жатканын эске салып, өздөрүнүн продукциясын жакын арада алмаштыруу мүмкүн эместигин белгилешти.















