Расмий маалыматтарга ылайык, дүйшөмбү күнү Израилдин борбордук бөлүгүндө жана Хайфа шаарында болгон ракеталык чабуулдар чоң зыян келтирип, болжол менен эки миңдей адам үй-жайсыз калган.
Бул тууралуу The Times of Israel гезити кабарлады.
Петах-Тиква шаарында көп кабаттуу турак үйгө ракета тийип, төрт адам каза тапкан. Бул жерде 400 үй-бүлө же болжол менен 1300 адам үйлөрүн таштап кетүүгө аргасыз болушкан.
Тель-Авивде ракеталар эки районго тийип, олуттуу зыян келтиргенден кийин 300 адам өз үйлөрүнө кайрылууга мүмкүнчүлүксүз калганын шаардык администрация билдирди.
Бней-Брак шаарында ракета эл жашаган аймактагы мектепке тийип, кеңири кыйроолорду жана бир адамдын өлүмүнө алып келген. Жүздөгөн адамдар үйлөрүн таштап кетүүгө мажбур болушкан. Шаар бийлиги жабыркагандарды мейманканаларга жайгаштырганын, бирок алардын санын тактаган жок.
Хайфа мэриясы кечээ шаарга жасалган чабуулдардан улам үйлөрү жабыркаган 60 адамды эвакуациялаганын билдирди.
Мындан тышкары ушул эле сандагы адамдар Рамат-Ган, Бат-Ям, Тамра, Реховот, Тель-Авив жана башка аймактарда өткөн дем алыш күндөрү болгон чабуулдардан кийин үйлөрүн таштап кетүүгө мажбур болушкан.

















