Корея Республикасынын Пусан аэропортунда жүргүнчү учагы учаар алдында күйүп кетти.
Бул тууралуу Yonhap маалымат агенттиги билдирди.
Пусандагы Кимхэ эл аралык аэропортунан Гонконгго багыт алган учак жергиликтүү убакыт боюнча саат 22:26да күйүп кеткен. Өрткө каршы кызматынын өкүлү өрт учактын куйрук бөлүгүнөн башталып, андан соң жайылып кеткенин билдирди.
Бардык 169 жүргүнчү жана 7 экипаж мүчөсү үйлөмө слайд аркылуу эвакуацияланган. Белгиленгендей, эвакуациялоо учурунда үч адам өмүрүнө коркунуч келтирбеген жаракаттарды алышкан.
Окуянын себептери такталууда.
