Орусиянын Куралдуу күчтөрүнүн радиациялык, химиялык жана биологиялык коргоо аскерлеринин башчысы, генерал-лейтенант Игорь Кирилловдун өлүмү боюнча жаңы шектүүлөр пайда болду.
Бул маалыматты газета.uz басылмасы «Коммерсант» агенттигине шилтеме берүү менен жарыялады.
Маалыматка караганда, кармалган эки шектүү адам Сибирде кармалган жана алар Ингушетияда туулган.
Кармалгандар негизги айыпталуучу өзбек жараны Ахмад Курбановго Москва облусунда үйдү ижарага берип жүргөн. Алар Москвада чакан бизнес менен алектенип, генерал өлтүрүлгөндөн көп өтпөй борбордон чыгып кетишкен.
Кылмышка шектүүлөр милицияга баш ийбей, майда бейбаштык кылганы үчүн 15 суткага административдик камакка алынган. Алардын камак мөөнөтү бүткөндөн кийин алар Москвага жөнөтүлүп, Кирилловдун өлүмүн иликтеп жаткан Тергөө комитети менен Федералдык коопсуздук кызматы кабыл алган.
Кармалган жарандар Ингушетияда төрөлгөн жана Орусияда террордук уюм деп таанылган Түндүк Кавказдан чыккан уюмдун мүчөлөрү болушу мүмкүн.
Эскерте кетсек, Игорь Кириллов жана анын жардамчысы Илья Поликарпов 17-декабрда эртең менен генералдын үйүнүн алдында жардыруу болуп, набыт болушкан.
Кармалган шектүү генерал Кириллов жашаган үйдүн кире беришине радио менен башкарылуучу бомба тагылган электр самокатын таштап кеткен. Аскердик командир жана аны коштоп жүргөн жардамчысы майор Илья Поликарпов кызматтык унаага бара жатканда скутердеги зат жарылган.
Бир нече сааттан кийин шектүү катары Өзбекстандын жараны Ахмад Курбанов кармалган.
Сурак маалында Орусиянын укук коргоо органдарынын расмий маалыматына караганда, Курбанов аны Украинанын атайын кызматы жалдап, кылмыш кылганы үчүн 100 миң доллар жана Европа өлкөлөрүнүн бирине баруу убадаланганын айткан.


















