Иран Ислам Республикасынын президенти парламентте көпчүлүк добуш менен шайланган Ливандын жаңы президентине куттуктоо телеграммасын жөнөттү.
“Eurasia Today” маалымат агенттигинин билдирүүсү боюнча, Ирандын президенти өз кайрылуусунда Иран өкмөтү генерал Жозеф Аундун президенттиги учурунда түрдүү тармактарда кызматташууну мындан ары өнүктүрүүгө даяр экенин ырастады.
Масуд Пезешкиан куттуктоо катында Ливандын көпчүлүк партияларынын жана саясий топторунун макулдашуусунун натыйжасы болгон тандоо Ливандын кымбаттуу эли үчүн саясий стабилдүүлүккө, экономикалык өсүшкө жана тынчтыкка алып келерине ишенгендигин билдирди. Ал белгилегендей, туруктуулукту жана биримдикти чыңдоо, албетте, сионисттик душмандарды Ливан жерине болгон дооматтарынан баш тартууга мажбурлайт.
Генерал Жозеф Аун 9-январдагы добуш берүүнүн экинчи айлампасында 99 добуш менен Ливандын президенти болуп шайланган. Бул Ливандын тарыхында өлкөнүн армиясынын командачысы президенттик кызматты бешинчи жолу ээлеп отурат.


















