Мексикада дайынсыз болуп жаткан Кыргызстандын жараны Жаныбек Жакыпов табылды.
Бул тууралуу теле алып баруучу Ассоль Молдокматова соцтармактагы баракчасына жазып, изделип жаткан жарандын аудио билдирүүсүн баракчасына кошо тиркеген.
Анда Жаныбек Жакыпов өзү билдиргендей Мексикада эс-учун жоготуп, аны жергиликтүүлөр жеке клиникага алып барышкан. Ал жакында Кыргызстанга келерин билдирген.
Эскерте кетсек, Жаныбек Жакыпов 29-декабрда АКШдан Мексиканын Канкун шаарына барып андан ары Бишкекке учар алдында дайыны чыкпай кабарсыз болуп кеткен.
Ал дайынсыз болуп кеткенден кийин теле алып баруучу Ассол Молдокматова өзүнүн Фейсбук баракчасына жазып, коомчулукту Жаныбек Жакыповду издөөгө жардам берүүгө чакырган.
Ал эми Кыргызстандын Тышкы иштер министрлиги да бул маалыматты алары менен реакция жасап, АКШдагы Кыргызстандын чет өлкөдөгү мекемелери Мексиканын АКШдагы элчилигинин, Орусиянын жана Казакстандын Мексикадагы элчилигинин көмөгү менен Жакыповго издөө жүргүзгөн.



















