Республикалык партиядан АКШ президенттигине талапкер Дональд Трамп бул кызматка шайланса, Украинадагы жаңжалды токтотуу жана жаңы дүйнөлүк согуштун башталышына жол бербөө үчүн бардык күч-аракетин жумшай турганын дагы бир жолу билдирди.
Бул тууралуу ал Мичиган штатында тарапкерлеринин алдында сүйлөп жатып билдирди, деп жазат Gazeta.Ru.
“Мен Украинадагы жаңжалды токтотом”,- деди өлкөнүн башкы саясий кызматына талапкер.
Ошол эле маалда Трамп 2020-жылдагы шайлоодо жеңип чыкса, Москва менен Киевдин ортосунда куралдуу тирешүү болмок эмес деген ишенимин билдирди.
Мындан тышкары, республикачы шайлоочуларга Жакынкы Чыгыштагы “башаламандыкты токтотууга” даяр экенин билдирди. АКШнын президенттигине талапкердин айтымында, бул ага дагы бир дүйнөлүк согуштун чыгышына жол бербөөгө жардам берет.

















